"နှောင်းလွန်ပြီးခဲ့သောအခါ"

"နှောင်းလွန်ပြီးခဲ့သောအခါ"

မြန်မာနိုင်ငံမှာတော့ မြတ်စွာဘုရားရဲ့အဆုံးအမတွေ အလွယ်တကူနာယူပြီးတော့ နေခွင့်ရတော့
အလွယ်တကူကြားနာခွင့်ရတဲ့အခါမှာ တစ်ခါတစ်ရံမှာ လူတွေမှာအမှတ်တမဲ့ ပေါများတယ်လို့ထင်ပြီးတော့
အလေးအနက်ထားလေ့မရှိကြတာမျိုးကလည်း ကြုံတတ်တယ်ပေါ့။ အဲ့ဒါမျိုးမဖြစ်အောင် သတိထားဖို့တော့ လိုအပ်တယ်ပေါ့။ ဒီရက်ပိုင်းတွင်ပဲ ဘုန်းကြီးတို့ဆီမှာ ပြင်သစ်နိုင်ငံက tourist နှစ်ဦးရောက်လာတယ်။ဗုဒ္ဓဘာသာနဲ့ ပတ်သက်ပြီး သိချင်တယ် သူတို့ သိထားတဲ့အသိတွေဟာ မြတ်စွာဘုရားရဲ့အဆုံးအမထေရဝါဒ အစဉ်အလာအဆုံးအမနဲ့ မကိုက်ညီတဲ့ အသိတွေ သူတို့မှာ ရှိတယ်။အဲ့ဒါတွေကို ရှင်းလင်းပြီးတော့ ပြောပြလိုက်ရတယ်။
အဲ့ဒီတော့ လူတိုင်းလူတိုင်းဟာ မြတ်စွာဘုရားရဲ့အဆုံးအမကို ရနိုင်ကြတာမဟုတ်ဘူး။မြန်မာနိုင်ငံက
လူတွေက ကံကောင်းလို့ရနေတာကို ရနေသည့်အတွက်ကြောင့် အချို့ အချို့သောပုဂ္ဂိုလ်တွေက
ဒါတွေကတော့ ရလွယ်တယ်လို့ စိတ်ထဲမှာထင်ပြီး အလေးအနက်မထားပဲနဲ့ နေလို့ရှိရင် အချိန်သာကုန်သွားပြီးတော့ ကိုယ့်မှာအကျိုးဖြစ်ထွန်းမှု အားနည်းသွားမှာဖြစ်တယ်ပေါ့။ဒါကိုတော့
အလေးအနက်ထားစဉ်းစားထားသင့်တယ်ပေါ့။ တစ်ခါတစ်ရံကျတော့ လူတွေဟာ တန်ဖိုးတစ်ခုကို လွန်မှပဲ
သိကြတယ်။ဥပမာမယ် လူတစ်ယောက်ရဲ့တန်ဖိုးဆိုတာ အဲ့ဒီလူ မရှိတော့ဘူးဆိုမှ သိတယ်။သိပြီးဆိုတော့
အခါကြတော့ နောက်ကျပြီ ဘာမှလုပ်လို့ မရတော့ဘူး။ အချိန်ရဲ့တန်ဖိုးဆိုတာလည်း အချိန်ကုန်သွားမှ သိကြတာ။ အချိန်ကုန်တော့ ဘာလုပ်လို့ ရဦးမလဲ။ ဘာမှ လုပ်လို့မရတော့ဘူး။
အဲ့ဒါလိုပဲ မြတ်ဗုဒ္ဓရဲ့အဆုံးအမတွေ အလွယ်တကူ သိခွင့်ရပါရဲ့သားနဲ့ မြတ်စွာဘုရားရဲ့ အဆုံးအမတွေ
အလေးအနက်ထားပြီးတော့ နာယူရမှန်း မှတ်သားရမှန်း လေ့လာရမှန်း ဆည်းပူးရမှန်း
မသိဘူး။သိတောင်မှပဲ အခြားကိစ္စတွေနဲ့ လူတွေဟာ အချိန်ကုန်ပြီးတော့ လူတွေဟာ ကိုယ့်ဘဝမှာ တန်ဖိုးဆိုတာ ဘာလဲလို့ ဆင်ခြင်စဉ်းစားမှု မပြုခဲ့လို့ အချိန်ကုန်သွားပြီးဆိုတော့မှ အော် ဒို့ဟာ ဆုံးရှုံးသွားပြီ- ဆိုတာမျိုး ။ အဲ့ဒီကြမှတော့ ဘာတတ်နိုင်သေးလဲ။ ဘာမှ မတတ်နိုင်တော့ဘူး။ ဒေဝဒူတသုတ္တန်မှာလို သတိထားစရာပေါ့။အဲ့ဒီမှာ ဝေမာနိကပြိတ္တာမျိုးလို့ ခေါ်ရတဲ့ ၊ စတုမဟာရဇ်နတ်မျိုးလို့လည်း ဆိုနိုင်တယ်ပေါ့။
ယမ-မင်းကြီးဆိုတာ ရှိတယ်။အဲ့ဒီ ယမမင်းကြီးက တကယ့်သူတော်ကောင်းကြီး ငရဲကိုဆွဲချဖို့ သူလာနေတာ မဟုတ်ဘူး။ တမင်ကို volunteer ကယ်တင်ဖို့ရန် သူက ငရဲတံခါးကနေ သူက စောင့်နေတယ်။တကယ့်သူတော်ကောင်းကြီး။ ယမမင်းဆိုတာ ကြောက်စရာမဟုတ်ဘူး။မြတ်စွာဘုရားရဲ့ အဆုံးအမတရားတော်တွေထဲမှာ ယမမင်းကြီးရဲ့ဆန္ဒဆိုပြီးတော့ ဟောထားတာရှိတယ်။ အဲ့ဒီမှာ ယမမင်းကြီးက ငရဲကျလာတဲ့ပုဂ္ဂိုလ်တွေ
အကုသိုလ်အလွန်ကြီးရင်တော့ တစ်ခါတည်းငရဲတန်းကျသွားတဲ့ ပုဂ္ဂိုလ်တွေရှိတယ်။
အေး မတော်တဆ မှားယွင်းမှုကြောင့် အကုသိုလ်ဖြစ်လာပြီးတော့ ငရဲရောက်လာတဲ့ ပုဂ္ဂိုလ်တွေကြတော့
ယမမင်းကြီးက သူ့ရဲ့ကုသိုလ်ကောင်းမှု တွေကို ဖော်ပေးပြီး ငရဲကလွတ်အောင် သူက လွှတ်တာ မဟုတ်ဘူး။ ကိုယ်လုပ်ခဲ့တဲ့ ကုသိုလ်က လွှတ်တာ။ အဲ့ဒီ ကုသိုလ်ကောင်းမှုကို
ပြန်လည်သတိဖော်ပေးတဲ့အလုပ်ကို သူလုပ်တယ်ပေါ့။ ပြန်လည်သတိဖော်ပေးလို့ အဲ့ဒီအချိန်မှာ ကုသိုလ်ဆိုတာ ဘယ်လောက် အားကိုးစရာကောင်းလဲ။ အဲ့ဒီအချိန်မှာ အမေလည်း အားကိုးစရာမရှိဘူး။အဖေလည်း အားကိုးစရာ မရှိဘူး။ဆွေးမျိုးညာတိတွေဆိုတာလည်း
အားကိုးစရာ မရှိဘူး။ငွေကြေးယူဆောင်လာပြီးတော့ ယမမင်းကြီးကို လက်ဆောင်ထိုးပြီးတော့ လွတ်ဖို့ဆိုတာလည်း မရှိဘူး။ဘယ်လိုမှ လုပ်လို့မရတဲ့အချိန်။အားကိုးရမှာတော့
ကိုယ့်လုပ်ခဲ့တဲ့ ကုသိုလ်တရားပဲဖြစ်တယ်ပေါ့။ အဲ့ဒီမှာ ယမမင်းကြီးက မေးခွန်းတွေ မေးလေ့ရှိတယ်။
ဘာမေးတုန်းဆိုတော့ ဒါက သတိထားဖို့ပြောပြတာ။ သူမေးတဲ့မေးခွန်းက ဘာလဲဆိုရင် "မင်း လူ့ဘဝနေတုန်းက သိတတ်တဲ့အရွယ်ရောက်တဲ့အခါမှာ ဒေဝဒူတဆိုတဲ့ နတ်တမန်တွေ လူ့လောကမှာ ရှိနေတာ မင်းမသိခဲ့ဘူးလားဆိုတော့ မသိခဲ့ဖူးတဲ့ ၊ အဲ့ဒီမှာ ယမမင်းကြီးက ဖော်ပေးတယ်။
မင်း အဘိုးအို အဖွားအိုတွေ မတွေ့ခဲ့ဘူးလားဆိုတော့ ။ တွေ့ခဲ့သားပဲတဲ့။အဲ့ဒီလိုတွေ့တဲ့အခါမှာ
အော် ငါလည်း အိုရဦးမှာပဲဆိုတဲ့ မအိုခင်တော့ ငါကောင်းတာ လုပ်မှပဲဆို-တဲ့ စိတ်ထဲမှာ
အတွေးလေး မပေါ်ခဲ့ဘူးလား။မပေါ်ခဲ့ဘူးတဲ့ မေ့နေတာ။ "အေး မင်းအချိန်တွေ လွန်လာခဲ့ပြီ ။အဲ့ဒီတုန်းက
မင်း ငါလည်း အိုရဦးမှာဆိုပြီး ကောင်းတာတွေ လုပ်ခဲ့မယ်ဆိုရင် မင်း ဒီမရောက်နိုင်ဘူးတဲ့။ အဲ့ဒီတော့ မင်းမှာ ဘာကုသိုလ်မှ မရဘူးဆိုတော့ ဒါ မင်းအဖေလုပ်တာလည်း မဟုတ်ဘူး ။
အမေလုပ်တာလည်းမဟုတ်ဘူး။ ဆွေတွေမျိုးတွေကလုပ်တာလည်း မဟုတ်ဘူး မင်းကိုယ်တိုင်လုပ်ခဲ့တာ။
အေး ကံရှိသမျှတော့ ခံရတော့မှာပဲလို့ ။ ဒီလို နတ်တမန်တွေကို သူအို သူနာ သူသေ ဆိုတာတွေနဲ့
မေးပြီးတော့ ကုသိုလ်ကောင်းမှုလုပ်ဖို့ သတိရသလား မရဘူးလား ဆိုတာ မေးမြန်းစီစစ်တာ သူက။အဲ့ဒါဖော်ပေးတာ။ လောကလူတွေမှာ ကိုယ့်မှာ အမှတ်ရစရာအချက်တွေ ရှိပါလျှက်သားနဲ့ အမှတ်တမဲ့အချိန်ကုန်လွန်သွားတဲ့ ပုဂ္ဂိုလ်တွေအများကြီးပဲ။ဒီကနေ့ခေတ်မှာလည်း စဉ်းစားကြည့်နော်။
အလွယ်တကူရရဲ့သားနဲ့။မြတ်စွာဘုရားရဲ့ အဆုံးအမတွေကို အလွယ်တကူဟောပြော ဆုံးမနေတဲ့သူတွေလည်း ရှိတယ်။ မိမိတို့ ကိုယ်တိုင်လည်းပဲ လေ့လာမယ်ဆိုရင် ဖြစ်နိုင်တဲ့
စာအုပ်စာတန်းတွေ ရှိတယ်။ မိမိတို့ကိုးကွယ်တဲ့ ဆရာတော်သမားတော်တွေလည်းရှိတယ်။
မေးမြန်းပြီးတော့ ဘယ်လိုလုပ်ရမလဲ တရားကို ဘယ်လိုကျင့်ရသလဲဆိုတာတွေ
မေးမြန်းဆည်းပူးလေ့လာလို့ရှိရင် ရနိုင်ရဲ့သားနဲ့ ဒီအခွင့်အရေးကြီးကို စီးပွားရေးအကြောင်းပြ ဟိုဟာ
ဒီဟာအကြောင်းပြပြီးတော့ ဘဝတစ်ခုကုန်လွန်သွားမယ်ဆိုရင် စဉ်းစားတာကြည့်တော့။
အလေးအနက်မထားတဲ့ပုဂ္ဂိုလ်တွေ အများကြီးရှိတယ်နော်။ တစ်ဘဝလေးကို တစ်ခဏလေးကို
ထာဝရထင်ပြီးတော့ အလေးအနက်မထားကြဘူး။ နောက်ဆုံးမှာ တရားပွဲလာတဲ့ပုဂ္ဂိုလ်တောင်မှပဲ
တရားပွဲလာပြီး စကားထိုင်ပြောနေတဲ့ ပုဂ္ဂိုလ်တွေ ရှိသေးတယ်လေ။တရားပွဲတော့လာတယ်
တရားတော့ မနာဘူး။စကားထိုင်ပြောနေတယ်။
အဲ့လို ပုဂ္ဂိုလ်တွေ စဉ်းစားကြည့် အချိန်လွန်သွားလို့ တရားပွဲပြီးတာနဲ့ သူတို့ ဘာရလိုက်လဲ ဘာမှ မရလိုက်ဘူး။ အဲ့ဒါကို ကိုယ့်မှာ တန်ဖိုးမဲ့မှန်းမသိဘူးဆိုရင်တော့ ခုနက ယမမင်းကြီး စစ်တဲ့အချိန်ကြတော့မှ မလုပ်ခဲ့ပါဘူး ပြောရမယ့်အနေအထားမျိုးဖြစ်သွားတယ်။ သတိကြီးစွာထားသင့်တယ်ပေါ့။တန်ဖိုးရှိတဲ့အချိန်တွေမှာ တန်ဖိုးရှိရှိ အသုံးချတတ်ဖို အင်မတန်မှ အရေးကြီးတယ်။ အေးအခုလို ဓမ္မသဘင်ဆင်ယင်ကျင်းပပြီး မြတ်စွာဘုရားရဲ့
အဆုံးအမတွေ ကြားကြရ နာကြရတယ်ဆိုတာ နိုင်ငံရပ်ခြားတိုင်းတစ်ပါးမှာနေတဲ့ ပုဂ္ဂိုလ်တွေအတွက်
မဟာအခွင့်အရေးကြီးပဲ။ကြားတောင် မကြားဖူးဘူး။ အဲ့ဒီ ပြင်သစ် tourist နှစ်ယောက်ကို သူတို့ သိချင်တာ
သိချင်တာ ။သူတို့ သိနေတယ် ဗုဒ္ဓဘာသာကို သူတို့ ယုံကြည်တယ်။ဒါပေမယ့် သူတို့သိနေတဲ့ အသိတွေက
လွှဲမှားနေတယ်။ အဲ့ဒိလို လွှဲမှားနေတာကို တော်တော်ဖြောင့်အောင်  ပြောရတယ်ပေါ့ ။တော်တော်ဖြောင့်အောင်ပြောရတဲ့အခါ အနည်းငယ်လေးတော့ အတန်ငယ်လေးတော့ ရိပ်မိသွားတဲ့
သဘောတော့ ရှိတယ်ပေါ့။ဒါပေမယ့် သေသေချာချာ နားလည်ဖို့ဆိုတာ  သူတို့ကိုယ်တိုင် လေ့လာကြရဦးမှာ ဖြစ်တယ်ပေါ့။ အဲ့ဒီလို ဗုဒ္ဓဘာသာမြတ်ဘုရားရဲ့ အဆုံးအမတွေကို
ရချင်သားနဲ့ ရခွင့်မရှိတဲ့ပုဂ္ဂိုလ်တွေ ကမ္ဘာမှာ အများကြီးပဲ။ မြန်မာနိုင်ငံက သူတွေက ကံကောင်းလို့ ၊အလို့အလျောက် မြန်မာနိုင်ငံဘိုးဘွား မိဘတွေရဲ့ ကျေးဇူးတရားတွေနဲ့  နှစ်ပေါင်း(၁၀၀၀)လောက်ကတည်းက မြန်မာပြည်ကို
ဗုဒ္ဓရဲ့အဆုံးအမ တရားတော်တွေဟာ ရောက်ရှိ ရရှိပြီးလို့နေတယ်။ ရရှိထားတဲ့အတွက်ကြောင့် ဒီကနေ့အထိ သာသနာထွန်းလင်းပွင့်လင်းပီးတော့နေတယ်။ အထူးသဖြင့် မန်းလေးမြို့သူ မြို့သားတွေဆိုရင် ဒီမှာ စာပေကျမ်းဂန်တတ်ကျွမ်းတဲ့ ဆရာတော်ကြီးတွေ
အင်မတန်မှ မြောက်များစွာ သတင်းသုံးတဲ့နေရာဖြစ်လို့ ၊ တရား ဓမ္မဆိုလည်း နာယူခွင့် ကျက်မှတ်ခွင့်တွေ ရှိရဲ့သားနဲ့ အမှတ် တမဲ့နေပြီးတော့ အချိန်တွေ ကုန်သွားကြမယ်ဆိုလို့ ရှိရင် ခုနက လိုပဲ မလုပ်ခဲ့မိပါဘူး မေ့လျော့ခဲ့မိပါတယ် ဆိုပြီးတော့ တန်ဖိုးရှိတဲ့အချိန်တွေ ကုန်သွားဦးမှာပဲ။ကုန်သွားမယ့် ပုဂ္ဂိုလ်က ရာခိုင်နှုန်းအများကြီးပဲ ရှိတယ်။ ဒါကို အလေးအနက်ထား သတိထားဖို့လိုတယ်။
မင်းတရားပွဲရောက်လား ယမမင်းကြီးက မေးလိမ့်မယ်။ ရောက်တော့ရောက်တယ်။ဒါပေမယ့် လက်ဖက်သုတ်စား၊ ဂျင်းသုတ်စား စကားထိုင်ပြောပြီး ဘာဟောသွားမှန်းကို မသိလိုက်ဘူး -ဆိုတဲ့လူ ယမမင်းကြီး စစ်ရင်တော့ အဲ့ဒီလိုပဲ ဖြေရမှာပဲ။အဲ့ဒီတော့ သူ့အဖို့မှာ အကျိုးရှိရမယ့်နေရာမှာ အကျိုးမရှိတော့ဘူးဖြစ်သွားတယ်။ အဲ့ဒါကို အေး ငါတို့ကတော့ သိပြီးသားလိုလိုနဲ့
တရားမနာဘူး စကားတွေပြောနေမယ်ဆိုလို့ရှိရင် အဲ့ဒီပုဂ္ဂိုလ်တွေဟာ တရားရဲ့အနှစ်သာရတွေကနေ
လက်လွတ်ဆုံးရှုံးသွားမယ်ဆိုတာ အခုအချိန်ကတည်း ကြည့်လို့ရတယ်ပေါ့။ အဲ့ဒီလို မဖြစ်ကြဖို့ ကိုယ့်ကိုယ်ကို သတိထားကြဖို့ အင်မတန်မှ အရေးကြီးတယ်။တရားနာခွင့်ရတဲ့ ဘဝဆိုတာ
အလွန်နည်းတယ်လို့ သိရှိထားရမယ်။
{ကျေးဇူးတော်ရှင်ပါချုပ်ဆရာတော်ဘုရားကြီး}
"လူ့ဘဝမှကျေနပ်စရာများ" တရားတော်မှ ကောက်နှုတ်ချက်
ဓမ္မမိတ်ဆွေများအားလုံး စိတ်ချမ်းသာ ကိုယ်ကျန်းမာခြင်းအလျင်း
ပြည့်စုံကြပါစေ။
Ref:နှလုံးသားအာဟာရ