မြင့်မြတ်သော နေထိုင်ခြင်း • • •
society လို့ခေါ်တဲ့ လူ့အသိုင်းအဝိုင်းထဲမှာ နေတဲ့အခါ အားလုံးအပေါ် အကျိုးလိုလားတဲ့စိတ်ကို မွေးရမယ်၊ မေတ္တာပေါ့၊ အားလုံး ကောင်းစားစေချင်တယ်၊ ဘယ်သူ့အပေါ်မှ မမုန်းဘူး၊ အားလုံးရဲ့ အကျိုးစီးပွားကို လိုလားတဲ့ မေတ္တာရှိရမယ်၊ အဲဒါ မေတ္တာနဲ့နေထိုင်ခြင်း။
အဲဒီလို မေတ္တာထားတဲ့အထဲမှာ တချို့က ကိုယ့်ထက် နိမ့်ကျသွားတယ်၊ သို့မဟုတ် ဆင်းရဲဒုက္ခရောက်သွားတယ်ပေါ့၊ အဲဒီပုဂ္ဂိုလ်ကို ကြင်နာသနားရမယ်၊ ဖေးမရမယ်၊ အပြစ်တစ်စုံတရာ ဖြစ်နေရင် ကိုယ်တတ်နိုင်သလောက် ဖေးမရမယ်၊ ကူညီမယ်၊ အဲဒါ ကရုဏာနဲ့နေထိုင်ခြင်း။
တိုးတက်ကြီးပွားသွားတဲ့သူကိုတော့ အပြစ်မပြောဘူး၊ ဝမ်းသာတယ်၊ အဲဒါ မုဒိတာ။ ဘယ်လောက်ကောင်းတဲ့ ကိုယ်ကျင့်တရားတွေလဲ၊ ကိုယ့်စိတ်မှာ ချမ်းသာစရာတွေကြီးပဲနော်၊ အလွန်မွန်မြတ်တာ၊ ဒါကြောင့်မို့ `ဗြဟ္မဝိဟာရ´ လို့ ခေါ်တာ၊ မြင့်မြတ်သော နေထိုင်ခြင်း လို့ ပြောတယ်၊ ဒီတရားတွေနဲ့နေထိုင်ရင် မြင့်မြတ်တယ်လို့ ပြောတယ်။ဥပေက္ခာအကြောင်းကိုတော့ အရင်နေ့က ဟောခဲ့ပြီးပြီ။
ဒေါက်တာနန္ဒမာလာဘိဝံသဆရာတော်
မြတ်ဗုဒ္ဓ၏တရားတော်များကို လူတိုင်းရင်ထဲတွင် ကိန်းဝပ်စေချင်သော ဆရာတော်၏ဆန္ဒမွန်ကို ပါရမ်ီဖြည့်ဆည်းခြင်း၊ တရားအသိဉာဏ်ပေးလှူခြင်း သက်သက်ဖြစ်ပါ၍
တရားဓမ္မကို လိုလားသော,တရားဓမ္မကို ဖြန့်ဝေလိုသော မည်သူမဆို လွတ်လပ်စွာ ဓမ္မဒါနပြုနိုင်ပါသည်။
No comments:
Post a Comment